Di group wey dey use dia fundamental human rights dey break out from Nigeria, wey be Indigenous People Of Biafra, IPOB, don talk say, dem go launch dia world Embassy on 8th of December and 9th of December for Langenfeld, Germany.

Based on wetin dia IPOB Media And Publicity Secretary, Comrade Emma Powerful talk , na dia Deputy Leader, Uche Mefor and members for Directorate of State (DOS) go open di embassy on Friday and Saturday next week .

Powerful talk say, dis Embassy be wetin dem wan use bring every IPOB members together and dey prepare also for dia referendum wey go come mid-2018, wey dem call independence referendum for territory of Biafra.”

Him talk say na here go be where informate wey dey correct go dey comot and no be from any place wey no be di Embassy.

Emma powerful talk say make di public no listen to any person wey dey tell lies say, IPOB headquarters no dey London again o, but say na dia region dey there now for United Kingdom, Tel Aviv, Israel, Ankara, Turkey, New Delhi, India, Los Angeles, California, USA. Him talk say, dem dey plan to open plenty plenty places for plenty countries wey dey our world before 2018 go reach half.

Emma powerful talk say, London headquarters nogo give any order again but na di one wey be world headquarters in Langenfeld Germany, wey Mazi Chika Edoziem dey supervise , wey be di head for Directorate of State of the Indigenous People of Biafra go dey give order .BBasedLon wetin powerful talk, any information wey comot and e no come from angenfeld Germany and  Mazi Edoziem no sign am no be real tori but fake one.

Him talk again say,

“As we dey prepare for our referendum next year, wewan make IPOB members Start dey warm up for campaign and dey tell IPOB members and people wey no be IPOB members, for abroad or village say make dem support Biafra well well. “.

“Our legendary discipline, wey don make us freedom fighting people don make us get respect for world today. We go continue dey show di evil and nonsense politucians say dem never see something. Na So we go dey do am until every Biafran person go accept well well, and nogo dey collect money dey do election.

Shebi dem feel our impact as we Boycott di Anambra election. Dat one na even small thing. We dey come, and dem go tire. ”

” We dey tell all Biafran people, especially, di people wey dey Europe, friends of Biafra, lovers of freedom, men and women of goodwill wey dey di world say, make dem come and follow us for dis epoch wey go hapun for Germany on 8th and 9th of 2017”.


Please enter your comment!
Please enter your name here