#Biafra: Sit-At-Home, lose your shop forever” – Gov. Umahi to IPOB

DAVID Umahi, Ebonyi State governor don give threat to deal with traders for him state wey go obey di sit-at-home order byIndigenous People of Biafra,IPOB.

Sit-at-home be wet in IPOB dey do every year on May 30 to celebrate di pipo wey die for Biafra struggle.

Mr Umahi as him bin dey address di people at di 2018 democracy day celebration on Tuesday give threat say, him go permanently collect di shop of any trader for him state wey go obey di order from IPOB.

Mr Umahi talk say how IPOB dey do dia struggle no pure, as Ohaneze Ndigbo don follow right way to bring everybody together.

“We no need distractions or second colonisation as we dey continue dey believe in God make him change our story and no man wey woman born fit set us back.

“Any trader wey close shop on di day will forget him shop forever and any protest go receive punishment.

“Make Ebonyi pipo do dia businesses peacefully and safely and if di South-East governors say we no want IPOB activities, e no mean say we sey happy with the zone’s marginalisation for country.

As e dry, di Deputy Coordinator of Biafra separatists for di state, Mr. Ugochukwu Nweke, don vow say, sit-at-home order go dey forall parts of di state.

“Wetin I dey yan be say, our activities will go on tomorrow as we don plan all over di world, not only here in Ebonyi. Government get no right whatsoever to takeover anybody’s shop on di grounds on top  closing dia shop to honour di  sit-at-home order.

“We go monitor our activities with our searchlight. Government get no power to give dat kind order. We dey go ahead to carry out our activities tomorrow. Nobody fit stop us from doing dat,” Na wetin Nweke Vow.


Please enter your comment!
Please enter your name here