Di season 3 for di Big Brother Naija ‘Double Wahala’, di popular TV reality show go end on Sunday 22 April 2018 and no be lie say di show don take ova social media.

Dis one don dey pass di one wey bin dey trend or di show last time. Di fans of di housemates dey always give mouth, troway savage and dey hail each other for Twitter, Facebook and Instagram.

Simi ‘belle’ dey make Nigerians dey give am mouth anyhow.

As di show don dey reach final, people dey wait to see who go win di N45 million ($125,000) prize.

Di finalists na Cee-C, Nina, Tobi, Miracle and Alex.

For di #BigBrotherNaija,Teddy A talk say – “Everybody dey equal”

Tope Adeniyan a.k.a. Teddy A talk say him no go fit point anyone wey e feel say suppose win based on say all di housemate dey ‘equally equip’ to win.

Him talk say: “I no get winner, I feel say everyone dey equally equip to win di game. I honestly feel say di best man or woman need to win.”

“Either Tobi or Miracle get wetin e take to win. Na game of ‘popularity contest’ so whoever di fans feel say na him be di rightful winner, na him dem go vote for.”

LEAVE A REPLY

Please enter your comment!
Please enter your name here