House On The Rock na very vibrant church wey be say dem no dey select people for wey dey attend, anybody from any tribe fit worship dia, with over 7,000 worshippers on Sunday mornings with plenty plenty branches for all over Africa and Europe.
Na Pastor Paul Adefarasin with him wife, Ifeanyi Adefarasin dey head dis church.
People don talk am say if you dey find husband or wife for Naija, House On The Rock na one of d places to go unto say dem get better better men and babes for dia with correct ginger. . .
As at yesterday, dem start one of dia programme wey dem dey do every year wey be “SPIRIT LIFE CONFERENCE” and dem tag dis year own “EMERGE“
And for dis year own, Bishop T. D. Jakes na one of d guest Pastors. Pastor Tudor Bismark, Pastor Wayne Malcolm, Mrs. Funke Felix Adejumo too be guest Pastors for d event.
Pastor Donnie MccLurkin sef go follow dey.
Plenty plenty gospel artistes like Segun Obe, Sonnie Badu, Eno Michael, Beejay Sax, etc go dey sef.D programme start on Wednesday 23rd August and e go end on Sunday 27th August, 2017.
E dey happen for The Rock Cathedral (House On The Rock) wey dey Conoil junction, Lekki-Epe expressway, Lekki, Lagos.