Home / Sports / BLESSING OKAGBARE DON ENTER UNIVERSITY OF TEXAS ATHLETICS HALL OF FAME

BLESSING OKAGBARE DON ENTER UNIVERSITY OF TEXAS ATHLETICS HALL OF FAME

Naija Olympic winner, Blessing Okagbare, don dey among some great runners and oda sports people wey d University of Texas El Paso (UTEP) go celebrate for special ceremony.

Okagbare and four oda athletes dem go enter d Athletics Hall of Fame wey dey happen on Friday, 27 October for d Larry K. Durham Sports Centre.

Okagbare, wey be d current Nigeria Queen for track, na before before student for UTEP, where she don break plenty record for sports.

D runner na from Sapele, Delta State wey dey South south Naija and she don dey run international competitions since 2007.

When she be pikin, she get interest for football but na 100m, 200m and long jump her talent shine pass.

She win d 100m and long jump competition for d 2010 All-African games. For d Russia 2013 World Championships, Okagbare carry silver for long jump and bronze for 200m race.

She win 100m and 200m gold for d Glasgow 2014 Commonwealth Games, wey make am d number four woman wey go achieve dis kain thing.

Image copyrightRHer greatest achievement na wen she carry di long jump silver medal for Beijing 2008 Olympics.

No be only Okagbare dem choose for d matter, as other four people wey go join her for d UTEP Athletics Hall of Fame na:

  • Seth Joyner (Football)
  • Antonio Davis (Basketball)
  • Cynthia Ruelas-Macias (Volleyball)
  • Paul Stankowski (Golf)



#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WEST HAM DON DROP ENGLAND GOALKEEPER JOE HART

West Ham manager bin drop England goalkeeper Joe Hart for dia home match against Chelsea …

Leave a Reply

Your email address will not be published.