Since Police arrest dis guy wey dem dey call BOBRISKY, social media no get joy at all, as people dey ask say, na wetin make dem arrest am.
But truth don comot say, na based on say, him be gay.
Dis person wey be Nigerian male Barbie and Snapchat queen, Idris Okuneye, wey dem dey call Bobrisky, enter prison based on say, him accept say him be gay for him tweet, and other people dey claim say, na based on di wahala him get with Toyin Lawani.
But as di tori dey, lawani don talk say him hand no dey for BOBRISKY arrest.
Lawani assistant come talk say,
“Please o, she no get any hand for di matta, make una stop dey put her name for fdi matta “.
Di matta be say, if police finish dia investigation and come know well well say BOBRISKY be homosexual guy, him go dey prison for 14-years plus one year industrial training for prison.
Person wey dey speak for Lagos Police Command, (PRO), Famous Cole,talk say him no dey aware say BOBRISKY enter prison or any police arrest BOBRISKY, but e go be say dem call am to ask am some questions.
Him talk am say,
“I no dey aware say, Police arrest am, but e go be say dem call am to ask am question or e go be say him go give him complaint ”
Based on di tori, BOBRISKY bin write one kind post for him twitter say,
“Dis house boys and girls wey dey comment for my post una dey stupid”
“Una think say una hate speech go change me. But di matta be say una dey try get my attention “.
” Make una comot from my page and go use una life do better thing. I don make my 78,0000 for my business and I go dey do am dey go ”
” Una dey here dey waste una MB for person life ”
Bobrisky come talk am boldly say,
“Yes! I be gay, and I go go hell fire. Anything remain?
Based on di report, dem go carry BOBRISKY go Abuja where dem go prosecute am well well.
Before dis arrest, dis BOBRISKY don dey do nonsense things for social media and dey claim say him dey above di law.
Di true talk be say, make dem arrest am, put am for prison based on say, homosexualism dey bad and na evil.