One 24 yr old John Okonkwo don appear before Ojo magistrates court unto d N3.5m wey imm thief from hin Oga go put for MMM.

D man wey be sales attendant dey face charge of stealing but imm bin plead not guilty.

D prosecutor, Inspector Uche Simon talk sey d man bin commit d offence for shop 26 Zone E Block 2A Aspamda Market for Trade fair complex Lagos between March and October. Him talk sey d man go carry d money go invest for Ponzi scheme without d consent of him madam, Mrs Jane Ekweanua.

Him sey na when dem bin dey do auditing dem notice sey dat kind money dey miss. Simon talk sey d offence dey contravene section 287 of d criminal law of Lagos state and sey d offence dey warrant 3yrs imprisonment.

Magistrate A S Okubule kon later grant am bail for N500000 if imm fit provide two sureties in like sum. Hin sey d sureties must dey live around where dem talk and sey dem must get work wey dem dey do, before imm kon adjourn d case go Jan 23 2018.



Please enter your comment!
Please enter your name here