Person wey bin be Vice President of Nigeria, Dr Alex Ifeanyichukwu Ekwueme don die
Di statement wey him family give and him brother come sign and dia traditional ruler for Oko wey dey Anambra State, Igwe Laz Ekwueme talk say him die by 10:00pm on Sunday for London Clinic.
Di statement carry am say : “Ekwueme family dey regret as dem announce di patriarch, and person wey bin be Vice-President for di Federal Republic of Nigeria Dr Alex Ifeanyichukwu Ekwueme GCON, don die in Peace.
“Dis bad thing hapun for London Clinic by 10:00 pm on Sunday 19th November 2017.”
Di tori be say, EKWUEME bin fall for him house and people come carry am go Memfys Neurosurgery Hospital wey dey Enugu, where him bin dey for coma.
Wen him come get strength for hospital, dem transfer am go London with air ambulance last week.
But di bad news be say, dis good man don die and him nogo show face again for dis world. Daddy, make baba God accept your spirit, if you bin don do good.