Di Biafran groups wey dey seek to breakout from Nigeria, Indigenous People Of Biafra, IPOB, and Movement For Emancipation Of Sovereign State Of Biafra, MASSOB, don join together and form one family under IPOB.
Dis tori don land our domot dis afternoon as one person wey be MASSOB Oga, Uchenna Mmadu don talk on Tuesday say, dem don join together with IPOB based on say, dem dey plan for one thing now wey be Biafra referendum and as dem don join together, say no military, no government go stop am, whether dem do Python Dance or crocodile bazaar.
Him talk am say,
“Na now wey di thing don dey strong well well as we don join together “
” If Nigerian government and dia military wan do snake for monkey shadow or crocodile bazaar, make dem prepare, say we don ready and don prepare for our referendum “
Madu no wan tell di tori people wetin dem dey plan with IPOB people wey concern di referendum matter. Di matter be say e go hot well well for matthias dem wey dey Federal government.