About 81 days after Oga Presido return obodo Naija from him medical trip to London, United Kingdom, on Thursday, him finally return him main office inside d Presidential Villa, Abuja.

Buhari bin arrive d country on August 19 wey be say Naija people just dey jubilate after him spend over 100days for Yankee. And since him come back, hin dey operate from one office wey dey inside him house and another one wey dey inside d Presidential Banquet Hall.

D Senior Special Assistant to President Buhari ontop Media and Publicity, Garba Shehu, bin tell Naija people say Oga Presido office bin need renovation based on say rats full everywhere. D rats even dey chase people comot for d office.

Him bin talk say;

Based on say we no use d office for three months, rats and other insects don full am, cause plenty damage to d chairs and tables and d air conditions dem.

Him bin try to explain say e dey impossible for d President to operate from d office for dat kind condition.

Although him bin no mention when dey go finish d renovation, d presidential spokesperson bin just yan say dem tell d maintenance company say make dem do dia work shaperly.

But informate reach our hear say Buhari on Thursday enter d office for d first time since him return to d country.

Oga Presido bin inaugurate d Armed Forces Council inside one of d halls wey dey inside d main office.

Him kon still preside over d meeting of d council.

We President Personal Assistant on New Media, Bashir Ahmad, confam d resumption for him Twitter handle, @BashirAhmad.

When Oga Bubu bin dey operate from him house and d Presidential Banquet Hall, d Special Adviser to d President on Media and Publicity, Mr. Femi Adesina, bin talk say where Buhari bin dey operate from follow be offices.

Adesina say d most important thing na say d President dey work. Him talk say;

“Office na office.



Please enter your comment!
Please enter your name here