Oga Presido Muhammadu Buhari don say make dem stay calm, peaceful and respect d constitution for Zimbabwe.
We President don follow beg political and military stakeholders for Zimbabwe say make dem no do anything wey go cause any gbege for d country.
According to President Buhari,
“We go do everything wey go makd sure say dem resolve all d issues by constitutional means for Zimbabwe to save d country from political instability wey dem fit avoid.”
D appeal by d Naija leader just enter as d news of d reported “military takeover” reach him ear unto d rising political tension for d southern African country wey cause make dem comot President Robert Mugabe as him sef comot him former Vice-Presido, Emmerson Mnangagwa.
Dis one kon lead to d threat by d head of d Armed Forces of Zimbabwe, General Constantino Chiwenga, as him talk say;
“d military no go hesitate to step in” when d issue na matter wey consyn protecting d “revolution.”
Special Adviser to the President
(Media & Publicity)
November 15, 2017