Home / Foreign Tori / “BUHARI TELL US SAY, MAKE WE WORK FOR NORTHERN NIGERIA ALONE ” – World Bank

“BUHARI TELL US SAY, MAKE WE WORK FOR NORTHERN NIGERIA ALONE ” – World Bank

Person wey be World Bank Group President , Jim Yong Kim, don talk on Thursday say, world bank go work for North people wey dey Nigeria based on say, na wetin President Muhammadu Buhari tell dem to do.

Kim and him Managing Director, International Monetary Fund, Christine Lagarde, wey speak for press conferences for different places wey dey Washington DC, United States, advise Buhari say, make im invest for things wey go make Nigeria economy dey better. 

Kim talk say,

“first meeting wey i get with Buhari,him talk say him go like make we shift our focus to north region for Nigeria and we don already do am. As e dey now, work wey dey there dey difficult “

“I think Nigeria, of course, don dey suffer drop for oil prices. But e be like say, things don dey dey better now.But di matta be say, make di Government invest for human capital . percentage for domestic products wey Nigeria dey spends on healthcare dey less than one percent.”

He talk again say,

“Even as plenty wahala dey for North, and oil price don fall, Nigeria suppose think ahead and suppose invest for dia people, as e go make Nigeria dey better. Make Nigeria put dia mind for economy .”

Kim also talk say,

“As we focus and dey work for North-people wey dey Nigeria, we get hope say, commodity prices go stabilise and oil prices go also come back , dia economy go grow and dey better. But make dem put dia eyes for something wey go make dia economy dey better .”

According to wetin World Bank boss talk , world bank go invest for human capital for North, and other Countries for Africa, as e go make dem dey strong for next development.

Plenty Yori Dey Our Home.. 

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.