“Na small coffins dey heavy pass”: See as tears dey roll as dem bury d 4-year-old girl wey dem rape kon kill for South Africa (photos)

D Talla family mourn d death of dia four-year-old daughter, Shaynice as dey don put am for ground on Wednesday, for d Klipspuit Cemetery after dem do funeral service for am for 3106 6 Belaleberg St Extension 2‚ Eldorado Park.

Dem bin find Little Shanice dead body on Wednesday afternoon, September 28, just few hours after she miss for house. Dem bin don rape am, kill am, kon dump her body.

D death of dis girl put her family members and mourners for tears and sorrow.

D Eldorado Park community wear green ribbons and scarves to support d bereaved family and as sign of remembrance for baby Talla.

Sonja Bosch wey be family friend talk say;

“We dey broken, e dey pain us to know say person fit hurt dis innocent young girl,”

Johannesburg MMC for Health and Social Development, Dr Mpho Phalatse yan say;

“When dey take innocent life of dis kind small pikin like dis, we suppose ask ourselves wetin dey happen for we community. We don take am for too long and e must stop”

Phalatse still talk say d city go soon comot programs wey go improve conditions for Eldorado Park. Some of d challenges wey dem dey face for d community na substance abuse‚ crime and unemployment.




Please enter your comment!
Please enter your name here