Home / Entertainment / BEYONCE NA 2017 HIGHEST PAID WOMAN FOR MUSIC – FORBES

BEYONCE NA 2017 HIGHEST PAID WOMAN FOR MUSIC – FORBES

Beyonce hit album “Lemonade” and her world tour don make am d highest paid woman for music dis 2017 according to Forbes list yesterday.

D pop diva bin beat Britain Adele and pop star Taylor Swift to take get dah No1 spot.

D R&B singer make up to 105million dollars from imm record sales and from her “Formation” concert tour according to Forbes.

She follow get her own Ivy park fashion line and other business interests dem

Adele wey be sey her “25” album bin first break first week U.S sales record for 2015 and wey be sey she don complete her first major tour since 2011 dey second place with estimated 69million dollars even as she bin no get any major endorsements for other products.

Swift wey be sey bin top last year list with 170million dollars for estimated earnings kon get about 44million dollars dis time even as she don finish her “1989” world tour.

D ogbonge singer earnings fit rise wella for dis upcoming 12 months unto her new album “Reputation” wey be sey na d best selling album for 2017 and imm upcoming tour.

Canadian superstar Celine Dion kon take d No. 4 spot after she earn reach 42million dollars wey be sey she no come dey for her Las vagas house again cos of her husband  Rene Angelil wey die for January 2016

Forbes compile dis list after dem estimate pre tax income for d 12 months from June 2016 go 2017 based on interviews with managers , agents, lawyers and some of d stars.

Dem bin also look inside pollstar data, d Recording industry Association of America and tracking from Nielsen.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

​ANITA OKOYE BIN GET 4 MISCARRIAGES BEFORE HER TWINS

For d weekend wey waka pass so, musician Paul Okoye and him wife, Anita bin …

Leave a Reply

Your email address will not be published.