Home / News / CAMEROON COACH: LIONS GET EXPERIENCE PASS SUPER EAGLES

CAMEROON COACH: LIONS GET EXPERIENCE PASS SUPER EAGLES

Mr. Hugo Broos, wey be Cameroon coach, don talk say d Indomitable Lions, wey be d name wey dem dey call dia team don play for Confederation Cup before for Russia, so dat one make dem get experience pass d Super Eagles of Nigeria.

Broos talk dis one on Thursday for Uyo wen dem bin dey do pre-match news conference unto d FIFA 2018 World Cup Qualifying match between Naija Super Eagles and Indomitable Lions of Cameroon on Friday.

D coach yan say apart from Naija to be African Champions, d Indomitable Lions don play against difficult national teams of Chile, Germany, with Australia for d Confederation cup.

Boss yan say;

“Naija now dey pass us with four points and we know say if we lose, our own don finish. So we go play very good game even as we dey depressed so.

“Everybody know say tomorrow result and dat of Monday dey very important, and me no dey fear at all, I no dey afraid,”

Him still talk say him dey alright with d weather for Uyo and dem go play to win d match.

D Cameroonian team captain, Benjamin Moukandjo, kon talk say dia team dey focused and dey don prepare hard for d match.

Moukandjo come agree with wetin him coach talk say Friday match with Naija team go tough.

“I know say tomorrow game dey very important. If we win tomorrow game, we go keep d hope for Russia alive,” na wetin d captain talk.

Him say hin team don ready for d Super Eagles dem.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Coutinho Don Hail Klopp Say Him Try Wella For Dia Team

Liverpool playmaker Philippe Coutinho don trowey hand put for head to salute give imm manger …

Leave a Reply

Your email address will not be published.