Cameroon don tell 100,000 Naija refugees to carry dia bags and comot from dia Country.
Di Naija people be di people wey Bokoharam terrorists don destroy dia things finish.
Human Rights Watch, don yan for dia report say, wetin Cameroon do, don destroy di plea sey UN Rufugee Agency don give dem, as dem tell dem say, make dem no ask any person to go back to North-East for Naija, based on security matta wey concern Bokoharam wahala, and Human Rights matta.
Di HRW report, don talk am say, di Naija people wey Cameroon government ask to comot dia Country, go face same violence, displacement, and destitution.
Di people wey don put eyes for di matta wey concern human Abuse, yan say, di report na based on interview wey dem don do with 60-refugee.
Dem yan say, Cameroon government don assault, beat, and dey use people sey dey find place to stay, as dia sex machine and no allow dem meet UN refugee Agency.
Di matta be say, Cameroon don tire for di Naija people wey dey for dia place, and no wan make dem dey dia place.