As na Christmas season we dey so and everywhere don dey bubble, Governor Ifeanyi Ugwuanyi of Enugu State don comot say him go give people wey from dia state wey dey live for oda parts of Naija, free transportation so dem go fit go back home go celebrate d festive season with dia loved ones.

Na d Managing Director, Enugu State Transport Company (ENTRACO), Mr. Bob Itanyi, announce dis welfare package and him talk say na because of say Gov. Ugwuanyi na nice person and him wan try reduce d sufferings of d people of d state kon follow give dem sense of belonging as d true heroes of democracy.

Mr. Itanyi explain say d free transportation exercise, go start on Tuesday, December 19 kon end on Saturday, December 23, and buses go dey for plenty States wey be, Abuja, Lagos, Jos, Ibadan, Kaduna, Kano, Minna, Gombe, Ilorin, Sokoto, Jalingo, Bauchi, Nasarawa, Port Harcourt, and others.

D Managing Director kon yan say d only people wey fit benefit from dis one na dose ones wey dey duly registered with d Enugu State Town Union for dia respective states of residence, still kon yan say d company dey coordinate d exercise with d leadership of d unions for d affected states, for accountability and effective result.

Him kon open up say na d State Commissioner for Transport, Hon. Vitus Okechi, d MD of ENTRACO, and others, go receive dese people once dem land Enugu for d former main depot of d company, wey dey opposite d state headquarters of d Federal Radio Corporation of Nigeria (FRCN), Enugu.

D MD yan say;

“His Excellency, Governor Ifeanyi Ugwuanyi of Enugu State, as God fearing and humanitarian leader don do better as him don give us approval say make we bring our fellow Enugu people for almost all other states back free of charge make dem follow enjoy d festive season.

“Dis time around, we no dey do business as usual. We go bring back Enugu State indigenes in body and not ghost indigenes. We no go hide anything during d exercise. D leaders of d Enugu State Town Union for dia respective states don dey mobilized make sure say our people benefit from dis welfare scheme, wey d state government don give d people of d state.

“So we wan sincerely thank d governor for dis gesture, as him don demonstrates him love, kindness and passion for d wellbeing of d people of Enugu State”.



Please enter your comment!
Please enter your name here