Fulani Herdsmen wey dey kill people well well for Nigeria, wey Nigerian president,Mohammadu Buhari talk say, na him be dia patron don warn Obasanjo and anybody wey wan comot Buhari from presidency 2019 say, dem don dey ready to fight, and dem go kill well, if any person try am to comot Buhari from Nigerian presidency.
Di Fulani Herdsmen Oga, Bello Abdullahi Bodejo, Kautal Hore Socio-cultural Association, give di warning against any attempt wey any person go do to comot President Muhammadu Buhari in 2019.
As him talk with The Sun, Bodejo talk say, Di eyes wey Fulani people get for dia country Nigeria don open well well and nogo close for sleep again, and him come put mouth again for di matter say, people hate Buhari based on say, him love dem.
Based on wetin Bodejo talk, him talk say ,
“Make nobody try am to remove Buhari in 2019. All du Fulani people wey dey Nigeria today, don shine eyes wella ”
“Every person wey be Fulani Herdsmen dey support Buhari; based on say, we don see say dem wan destroy Fulani people because of Buhari.”
Dis mumu man come nack teeth again say,
“We nogo allow any anybody to intimidate Di Federal Government or to take Buhari’s mandate; we go dey ready to follow him and fight well well for di position . We dey ready to do anything wey go make Buhari to come back to complete him good work him dey do.”
“People wey dey criticise am dey small and nothing go make am, make him no come back .”
Dis man been don talk say na politicians dey buy gun for Fulani herdsmen.