Uche Jumbo, wey dey act Movie for Naija, don vex for wetin people dey tok, wey concern her marriage, as dem yan sey, she don divorce her husband, Kenny Rodriguez, for social media.

As d tori dey, people don yan sey, Uche Jumbo, don divorce her husband, based on sey, her husband don dey pursue anoda 22-pikin, Teresa, wey be American person.

D tori kom carry am, sey, Uche Jumbo don remove her husband picture, for her instagram page, as she kom yan sey’;na lie!  Sey, she no divorce her husband.

After she deny d tori about dem divorce, her husband pics as him dey with anoda woman for him house, kom appear for Social Media.

As d matta dey, Uche Jumbo, don yan sey, she still love her husband well, as dem don marry already, and no person go divide dem.

She kom yan sey ;

“People, wey be bloggers, and journalists, if una wan use me and my family dey do una fake- fake tori, no be me, make una dey try facts”. 

“I don dey see plenty things wey una dey use my name and family dey do for una tori, and I don dey remove my face, but for dis one, I no go take am from una”. 

“Make una comot me, and my family for d fake tori wey Una dey write, make una dey write beta thing wey dey everywhere”. 

“Tori no dey for my matta, as d matta concern me, woman wey wan balance her  family matta, and life, wey she get for two countries “. 

LEAVE A REPLY

Please enter your comment!
Please enter your name here