Kogi State High Court for Lokoja don carry bail of N10 million give Senator Dino Melaye, di guy wey be di Nigerian Senator wey dey represent Kogi West.
Justice Nasiru Ajanah, wey grant Senator Melaye bail say na sake of him health wey no too dey okay, after him see di medical report for am.
Di judge give order say make Melaye drop him international passport with di court.
As e don reach two weeks, di lawmaker land for Lokoja, Kogi State where police carry am go Magistrates Court on top allegation way talk say him give arms to thugs for kidnapping and armed robbery.
Melaye deny all di allegation and him plead not guilty for court.
Oga Melaye bin don talk before say him dey fear for him life if him stand trial for Lokoja.