Magistrates’ Court wey dey for Ota Ogun State, don order say, make dem put four guys wey dey kill people for ritual in prison on Tuesday

Di people wey dem accuse,  Jeremiah Ademola, 32; Samuel Babatunde,77; Obaniyi Michael, 32 and Haruna Afolabi, 44,wey no get address dey face three cases for court wey be, Compiracy, murder, and say, dem dey sell huma body.

Di Chief Magistrate, Mrs B.B. Adebowale, order say, di suspects go enter prison by fire by force till dem get advise from person wey be director for Public prosecution for di matta.

Adebowale don shift di matta to October 25.

As di matta start for court, Cpl. Abdulkareem Mustapha bin tell di court say, dis people plan well well and kill two children for ritual.

Him talk say, di people wey dem dey accuse, bury dia body for church wey dey Ota.

Mustapha tell di court say, dem commit di offence on August 13, 2017 by 9:30 pm for Egan Road, Iyana-Iyesi Ota.

Him talk say, di offence don dey against Sections 210(f), 324 and 516(1) for Criminal Code, Laws of Ogun, 2006.

Una don see di kind wickedness people dey dey?  Person go get mind kill person still carry di body go hide for Church.

Dis one be sacrilege wey God go fight well. Make dekill dis people too.

LEAVE A REPLY

Please enter your comment!
Please enter your name here