Home / Gist / COURT DON REJECT TO ARREST DSS BOSS FOR METUH COURT MATTA

COURT DON REJECT TO ARREST DSS BOSS FOR METUH COURT MATTA

Di Federal High Court wey dey Abuja on Tuesday, don refuse to give order make dem arrest person wey be DSS BOSS, Mr Lawal Daura based on say, him no provide person wey bin be National Security Adviser to Goodluck, Sambo Dasuki to come stand for witness dock for court based on di paper wey Olisa Metuh wey dey face court submit for court.

Olisa Metuh bin be National Publicity Secretary for People’s Democratic Party for Goodluck regime wey dey face court based on say, dem talk say him eat money.

Justice Okon Abang, bin tell Dasuki and person wey bin be president for Nigeria, GOODLUCK JONATHAN on 25th October, say, make dem appear for court on Tuesday for Metuh court matta.

Di court bin be give subpoenas for Goodluck Jonathan and Sambo Dasuki to come court as witnesses for Metuh matta.

But for di 25th October, Jonathan never receive him own letter, but Sambo Dasuki bin receive him own through DSS Director General.

And on top di matta, di judge bin give order to DSS DG say, make him bring Sambo Dasuki for court.

As Sambo Dasuki never appear for court, GOODLUCK JONATHAN lawyer, Chief Mike Ozekhome(SAN), come land for court to challenge di subpoena wey di court give Oga Jonathan.

Ozekhome talk say, Jonathan never receive any subpoena letter but him don gear about am.

Di court registrar don confirm di talk say, GOODLUCK JONATHAN never receive any letter based on say him dey outside di country.

Di matta come carry am say, di time dem give Jonathan lawyer right to talk for Dasuki matta, him come support di arrest wey Metuh lawyer tell chief judge to give order make dem arrest DSS Director General.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.