Nigeria: Court say make Diezani Alison-Madueke remain for UK
Diezani Alison-Madueke na before-before Minister of Petroleum for Naija and one Federal High Court for Lagos don troway application say make dem do her corruption case for d country wey she dey now.
Diezani bin do d application on topical magomago money matter of N450 million for Nigeria, say she wan join as defendant.
Justice Rilwan Aikawa, wey troway d case, say wetin she dey ask for dey one kain and say d time sef wey she ask to join d case, no follow.
D judge say im no want anything wey go come pour sand-sand inside d garri of people wey wan try d former minister for United Kingdom.
D Metropolitan Police for UK dey torchlight Diezani for magomago too, on top money matter.
D Economic and Financial Crimes Commission (EFCC) for Naija bin say d application no make sense and fit be ‘misuse of d court process.’ D judge agree with dem.
Na EFCC file d charge on top Alison-Madueke plus two other people head, wey make her say she wan come back Nigeria to join d matter.
D agency say d N450 million na part of $115 million wey Diezani put hand to share during 2015 general elections for Naija.