Home / Gist / Court Don Shift Di Day Wey Misau Go Land For Court

Court Don Shift Di Day Wey Misau Go Land For Court

Di Federal High Court wey dey Abuja don shift di day wey Senator Isah Misau wey dey represent Bauchi Central Senatorial District, go land for court based on di matta wey concern lie lie for di matta him get with Police Inspector General.

Justice Anwuli Chikere don shift dis matta after di person wey dey defend Senator Misau, Mr. Joshua Musa (SAN), talk say, dem no fit make Senator Misau enter court for anything based on bad bad thing wey dem don see for wetin Misau talk.

Misau talk say, as di matta no carry any stamp from Nigerian Bar Association mean say di matta get k-leg for dia Rule 10,wey dey dia Professional Conduct for lawyers.

Him talk again say, make di authority for Yaki Vs Bagudu 2015 back or support wetin him dey argue and dey talk. .

“True true, dis matta get K-leg, and e go dey dangerous for any person to dey defend dis kind matta ”

As Mr. Saleh for di Office for Attorney-General for Federation come reply , him talk say, e dey unnecessary to stamp di charge wey dem amend as di first one still carry di stamp.

But Justice Chikere agree say, na true o! And him come tell di person wey dey prosecute di matta, make him go sort out di K-leg wey dey for di matta and make sure say, di stamp dey for di paper.

Di Justice den, shift di matta to December 12,as di day wey Senator Misau go enter court .

For di proceedings wey dem do, Misau bin stand for 25-minutes till dem finish.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

​NAIJA GOVERNORS DON APPROVE $1 BILLION TO TAKE FIGHT BOKO HARAM 

Naija Governors don approve d release of $1 billion to take fight Boko Haram for …

Leave a Reply

Your email address will not be published.