Nigeria Senate dey celebrate say court don vindicate dem on top Economic and Financial Crimes Commission oga, Ibrahim Magu mata.

Chairman for Senate Committee for Media and Public Affairs, Senator Aliyu Sabi-Abdullahi, tell tori people on Thursday say Federal High Court don rule say National Assembly get power to accept or reject any appointment.

Sabi-Abdullahi say, dem happy with di judgement and dem “wan salute Nigeria Judiciary” as dem dey take “protect democracy.”

Di Senate been don reject Magu appointment many times based on say   Department of State Service been disqualify am.

As e dey , dem don  put embargo on top confirmation for all di appointment wey President Mohammadu Buhari don do.

Sabi-Abdullahi say, di embargo go remain until dem replace Magu.

Justice John Tsoho say, National Assembly get right to reject Magu, but wetin him no talk na whether him decision mean say Magu no be EFCC oga again.


Please enter your comment!
Please enter your name here