Tinz no dey go well Damilola Adegbite and Chris Attoh marriage as d actress don comot him name, unfollow am for Instagram, still delete all hin photo comot from her Instagram page.
People bin don already dey carry rumour say na since last year November dem start to dey get dis kwanta for dia marriage. And na unto say Damilola go her Instagram page go write inspirational message give her fans dem. For d message she yan say she just dey try to dey strong for her two year old son.
She continue to spark breakup rumours when on February 14th, 2017, wey be dia wedding anniversary, she no even acknowledge any of her husband public display of love for social media, not to talk of to post anything for dia special day.
Na so for May 17th, d celebrity couple come clear d as she put up birthday post for her husband wey be;
“Love bear all tins, believe all tins, hope all tins, endure all tins. Happy birthday Nii.. I love you.”
But e kon be like say tins don sour again as she actress now don comot hin name, unfollow am, still kon delete all him photo dem from her Instagram page.
Chris Attoh and Damilola Adegbite do dia wedding for February 14th, 2015 for Accra, Ghana, and dem get 3-year-old son togeda, and him name na Brian Attoh.