Home / News / DANGOTE DON INAUGURATE $500M CEMENT PLANT FOR CONGO

DANGOTE DON INAUGURATE $500M CEMENT PLANT FOR CONGO

Dangote cement today don inaugurate 1.5million metric tonnes per annum capacity cement plant for Congo wey dey valued at $500.

Dem disclose dis one give news people for statement on Monday for Lagos.

D plant wey be sey na d largest for Congo bin roll out imm first bag of cement for August 7 and hin go create about 1000 direct and indirect jobs.

From dis statement, if dem commission dis Congo plant e go make am reach 10 fully operational Dangote cement plant wey go dey Africa.

D tori wey comot be sey Dangote cement don maintain imm stronghold for d domestic cement market wey dey account for 65 per cent of local cement market while Pan-African volumes kon climb up by 7.5per cent enter 7.0 mta.

D statement read say;

“Our Pan-African operations dey perform well well wey dey cause better sales growth for inside Cameroon, Ethiopia and Senegal”

“We don also dey consolidate our success for Africa wey be sey we don dey commission our 1.5Mta factory wey dey for Congo dis one go make am d tenth country wey we don establish operations.”

“For our key operations wey dey Naija we don significantly improve our fuel mix and dis one don epp increase margins across d group”.

“Dis one dey good for Naija because we dey mine most of d coal wey be sey we dey use for our country.”

Nah dis one epp sales grow wey make dem kon recognise our brand… E follow increase our point of sales branding, kon epp improve our sales and marketing strategies and also high visibility through trade shows.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.