Home / Entertainment / Davido Go Perform For MOBO Award

Davido Go Perform For MOBO Award

Di person wey be Nigeria Afrobeats star, Davido follow for dey people wey go perform for dis year edition for di Music of Black Origin (MOBO) awards wey dem go do on 29 November for First Direct Arena Leeds, UK.

Dis MOBO award na ogbonge international award ceremony wey Kanya King and Andy Ruffell form for 1996 to troway salute give any artiste from any country and tribe wey dey do black music.

Di tori be say, MOBO announce am say di artist wey him real name na David Adedeji Adeleke go follow other people like Cardi B, Krept and Konan, Stefflon Don shake bodi for di place. .

As e dey, Davido don jubiliate for him life based on say, di tori wey him get to perform don sweet am pass him baby mama.

For dis month as e dey , Davido don dey smile wella with plenty good good things . Dis year , him win di ‘Best African Artist 2017’ for di MTV Europe Music Awards.

Dis guy don dey celebrate as him be talk am say, baba God still dey open way for am, and come bring out another single “Like Dat”.

No be for di performance alone, dem appoint Davido for di Best African Act – e dey line with Wizkid, Maleek Berry, Mr Eazi, Tiwa Savage and Sarkodie for dis category.
Dis go be di 22 ceremony MOBO go do since 1996 wen e start.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WE GO SEIZE ANY MOTOR WEY BEAT TRAFFIC UNTIL CHRISTMAS END – FRSC

Federal Road Safety Commission  (FRSC) for Ogun don halla say any person wey dem catch …

Leave a Reply

Your email address will not be published.