Broussia Dortmund don comot d suspension wey dem put ontop Pierre-Emerick Aubameyang head kon talk sey dia star striker go face Tottenham hotspur for dia Tuesday champions league clash.
Dortmund Director of sports Michael Zorc confam sey Aubameyang don come back for dia squad after dem bin put am for suspension unto say imm come training late and him bin do one unauthorised video shoot for dia club training ground.
D Gabon international no bin dey d team wey go lose 2 – 1 for Stuttgart house wey come make dem drop go 5th for table wey dem bin dey top.
Aubameyang never score any goal dis season wey be sey na imm bin be d highest goal scorer for d league last season.
Him never score any goal add to d 15 goals wey imm dey since October 14.
Third place Dortmund must beat group H leaders spurs and hope sey Real Madrid no go win for Apoel dis Tuesday make dem for still get hope to take reach d last 16.
Spurs don already qualify enter d knockout stage buh a win go see dem finish as group winners.