Fear don catch people wey dey stay for Babalola bus stop around Itire area for Lagos as dem come out today kon see head of new born pikin beside canal. Many of dem dey claim sey d baby na victim of ritual.

News people kon later get informate sey d head wey be sey hair full bin dey inside black pot wey get blood stain around am.

One of d residents for d area, Kabiru Anifowoshe talk sey imm see d head as imm bin dey go work for morning and sey plenty people bin gather dey look am and sey from wetin imm see d pikin jes dey a day old and say d tin shock people sotey dem just dey cause cause d people wey fit do dat kind tin.

Another person Saka Adeboye talk sey Police people from Itire division bin later come around kon remove d head and sey dem no arrest any suspect join body.

Lagos state PRO SP Chike Oti talk sey dem don already drop d head for Mainland General Hospital Morgue Yaba for autopsy and sey dem bin also snap d scene. Him still sey dem don dey make efforts to find d people wey go fit do dat kind tin.



Please enter your comment!
Please enter your name here