D kind form wey Cristiano Ronaldo bin dey last season with Real Madrid fit make am win d 2017 best FIFA mens player wey dem go award for London on Monday. 

D ogbonge star wey bin be d first person wey win dis award, bin fire Madrid to win LaLiga and dem bin win 12 goals wey dem take win Champions League for d 3rd time in four seasons.

Dem nominate am wit imm eternal rival, Lionel Messi and Messi former Barca teammate wey be Neymar, wey dey Paris saint Germain now. Roma legend wey be Francesco Totti talk for d end sey na Ronaldo dey ahead of others wey dem follow nominate am with.

Him talk sey imm bin get great season and bin accomplish all imm goals with big teams. If e happen sey Ronaldo win dis award, e go open way for am to take match Messi five ballons d’Or and dem go announce dat one next year.

Ronaldo wey be 32years na d first person wey don win dis award after imm bin win am last year wey b sey for six years dem bin don join am with ballon d’Or.

Messi wey be 30years bin score 54 goals take epp Barca carry Copa Del Rey and imm follow dey in fine form dis season wey be sey na imm hatrick epp Argentina qualify for Worlcoach.

Barca coach, Ernesto Valverde sef bin come out talk sey everybody suppose know who be d best player and sey d truth be sey to give person trophy no dey too worry am.

People wey dey vote for dis award na National team captain, National team coaches, media and fans dem.

Real Madrid coach Zinedine Zidance follow dey line for dose people wey go win d best coach award and imm go be d first coach to win Champions League back to back. Nah him, Chelsea coach, Antonio Conte and Juve coach wey be Massimiliano Allegri dey fight for dah one. Juve goalkeeper wey be Gianluigi Buffon, Ronaldo team mate, Keylor Navas and Bayern Munich, Manuel Neuer dey fight for best keeper award.

While Venezuela Deyna Castellanos ,American star Carli Lloyd nd Dutch woman lieke Martens dey up for best Fifa women’s player…

Dem go follow announce Best Goal wey be sey Arsenal striker, Olivier Giroud scorpion kick volley against Crystal Palace and South African Goalkeeper Oscarine Masulukes overhead bicycle kick against for Baroka against Orlando pirates dey in contention for d award.



Please enter your comment!
Please enter your name here