Di talk wey concern di recall of Senator Dino Melaye start from May last year. By June 11, 2017, di talk talk Start dey get Plenty action with and dem come Start dey collect pipo signature.

Ten days after dem collect signature finish, di recall plan Come get muscle with di and dem come dey write recall petition.

Melaye no disturb himself as him talk say di thing dem be do na beta “comedy of errors” wey him talk say na Kogi State governor sponsor am, based on say dem get wahala on top di governance of Kogi state.

But when INEC give am recall notice, di Senator go courts for protection, and him come start dey do legal fight wey make di recall process Hapun.

Dis mata dey down for ground, until March 16, 2018, wey Appeal Court give order for verification exercise,and carry Dino Senator Melaye file throway from window.

On di day di trio of appeal court judges, wey Justice Tunde Awotoye be dia Oga, carry di appeal wey Melaye submit against judgment wey Justice Nnamdi Dimgba do for Federal High Court in 2017 throway and talk say, e no follow for cause of action.

Justice Dimgba bin dismiss Melaye file on September 11, 2017, wey Melaye bin wan use stop INEC to do him recall election rom National Assembly.

Him talk say Senator Melaye complaints dey ‘hasty, premature and presumptuous” and him come order  INEC make dem do di plan for verification exercise.

As Dino no dey happy with wetin Justice Dimgba talk,  Malaye, Melaye come go Appeal Court two days after, arguing and talk say, Federal High Court judge “erred in law” when him update him petition wey him give to INEC for him recall.

But di Appeal Court no accept wetin him talk, and dem come support Federal High Court and decide say dem no fit talk anything for Dino mata.

Dis judgement come make Dino Melaye to plan say na Supreme Court be di next action.

But as di recall don fail, e be like say Dino go still pursue him case for Supreme Court or whether him go leave am.


Plenty tori Don comot from Channels television, as dem show wetin Dino MELAYE talk on top Fulani herdsmen, and na after di talk everything come burst.

Di first one be say,  Dino get wahala with Kogi governor ontop Dia government and governance and dis Kogi State governor be BUHARI boy, as him dey even leave him state dey follow Buhari pikin everytime dey go London, as if say na him be him nanny.

As Dino and Koggi state governor dey get kwanta, dis one come make Buhari ,get interest for di mata, and dem come plan well well, even use pipo wey don die write petition against Dino for him recall.

Di second one start, from di day wey Dino talk for Senate say, e no good for Fulani herdsmen to dey kill pipo like cows, and even when police and army get information say dem go attack village, dem nogo do anything.

Dis man come talk well say, make Buhari stop di kind life wey him dey do, say time dey come wey pipo for Nigeria go dey break Dia house, and dey stone Dia motor. Na wetin make FG come get interest for Dino recall. Dis one na based on say, him dey against Fulani terrorists.

But wetin we wan ask be say, e dey good for person wey dey talk true, for government to dey fight am make him no talk him mind again, even when we dey for democracy?

E no make sense… If we dey for democracy, make we dey see di democracy dividends.


Please enter your comment!
Please enter your name here