Plenty people don laugh die, for  high court wey dey  Abuja on Thursday when Dino Melaye, senator wey dey represent Kogi west, show  bottle of coke, tissue paper, toothbrush and toothpaste to journalists after him face court .

Di federal government carry Melaye go court on top two-count charge.

Dem accuse dis Senator say him give  false information to  police people ,make dem frame Edward David, chief of staff of Yahaya Bello, governor of Kogi state, for murder on top him  life.

Dem accuse Melaye on top  false statement of facts for di call him make on him  phone conversation with Mohammed Abubakar, wey be late Abubakar Audu son , person wey been be  governor of Kogi, as him get for him mind to harm di reputation of Bello’s chief of staff.

Dem later bail Melaye With N100,000 by Olasumbo Goodluck, wey be di judge wey dey handle di matter .

But as him speak with journalists, after him  bail, Melaye come talk say,  him come court with plenty things wey him go use for prison as him dey ready well well to live for prison, if dem no grant am bail. .

Him talk am say,

“I prepare come for prison … just in case di judge no give  me bail, I dey ready to enter  prison,” Melaye talk am .

Him trial go start on May 16 and May 17.


Please enter your comment!
Please enter your name here