DNA test wey dem carry out on pikin wey imm mama born after two men bin rape am don show which of d rapist get d pikin.

Dis one dey come after d first report wey police bin don file unto d incident. D result don show sey na Babangida Awaisu be d tru papa of d pikin after imm and one Shamsu Zummar bin rape d woman for November 2016.

D two men still dey prison custody until December 27, 2017 when dia case go come up for mention in front of Hajiya Falile Dikko for Katsina State Senior magistrates court. Dem dey face criminal conspiracy and rape charges.

Umar wey be 33years and Awaisu wey be 38years from Gafat quarters for Katsina bin don join head rape Bilikisu wey bin dey 14yrs as at dat time last year November 29, 2016. Police later kon yan give us sey d girl parents and d two men dem dey live for d same compound wey dem commit d crime.

According to d report, na Umar bin first rape d victim before Awaisu kon follow enjoy imm own.

Bilikisu kon later carry belle wey kon make am born one baby boy wey dey one year old now.

When two of dem bin show for court last Friday, Prosecutor Inspector Sani Ado bin give Awaisu separate rape charge before en kon later tell court sey d case still dey under investigation sey make dem try adjourn am.

Nah dis one kon make Hajiya Dikko to kon adjourn am go December 27, kon still talk sey make dem still hold Umar and Awaisu for prison.



Please enter your comment!
Please enter your name here