Home / Sports / EAGLES DON DROP FOR D LATEST FIFA RANKINGS

EAGLES DON DROP FOR D LATEST FIFA RANKINGS

Naija don drop nine places from 41 go 50 for d November world Rankings wey FIFA release on Thursday.

Super Eagles bin get four wins and two draws to take qualify for d 2018 world cup for Russia. Dem bin still kon beat South American giants 4-2 for d friendly wey dem play for Krasnodar inside Russia for November 14.

But dia performance no kon reflect for dis rankings wey be sey dem get 671points as against d 721points dem bin get for October…Dis one kon make dem dey eight for Africa.

Senegal wey dey 23rd for d rankings kon dey first for Africa now as dey get 884points to take move up nine spots from d 32nd position wey dem bin dey for October. Tunisia kon dey second place with 834points to take move up one spot from 28th go 27th. Egypt wey be sey bin dey second for October kon dey third for d continent now…kon dey rank 31st for d world 

Dr Congo wey get 764points and 36th position for d world come dey fourth for Africa, Morocco wey use Ivory Coast take qualify go Russia come dey fifth for Africa. Dem also kon climb eight place to take dey 40th for d world.

Burkina Faso kon climb 11places to dey 44 for d world and sixth for Africa. African champions Cameroon kon drop 3 places to kon dey 45th position. Dem kon follow dey seventh for Africa Ghana (51) and Ivory Coast (61) kon dey complete d top 10 for d continent.

D top five countries for d world no change as world cup champions Germany, Brazil, Portugal, Argentina and Belgium retain dia spots…Spain com dey sixth for d rankings after dem climb two spots…Poland, Switzerland, France and Chile kon dey complete d top 10 for d world.

# confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.