Tijani Babangida don comot talk sey d Super Eagles suppose beat Croatia for d opening Group D match for next year World cup to make sure sey dem go reach d knock out stage of d competition. Super Eagles go open dia Russia 2018 campaign for June 16.

D former Ajax of Amsterdam winger Babangida wey bin feature for d 1998 world cup for France talk sey him believe sey Naija go advance pass d group stage for d world cup and sey we no suppose think am twice to win Croatia.

Babangida kon also talk sey easy group no dey for dis World cup o as we also get former champions Argentina for dia too. Him still talk sey Croatia no be push overs too sey dem get strong team and sey Iceland no go dey easy too buh sey Eagles gats dey focused from d first game.

If we fit win our opening game then we get better chance to take qualify from d group.

 

#confamtori

LEAVE A REPLY

Please enter your comment!
Please enter your name here