Home / Sports / EAGLES NO BE COMPLETE TEAM YET – ONIGBINDE

EAGLES NO BE COMPLETE TEAM YET – ONIGBINDE

Former Naija coach, Adegboye Onigbinde don come out talk sey even tho Naija bin flog Argentina 4 – 2 for dia friendly match on Tuesday sey dem never still be complete team.

Him talk sey if dem do d right tinz sey dem fit win d 2018 world cup. Him kon still tell Gernot Rohr sey make imm work on him goalkeeping department to dey ready for d world cup.

Onigbinde wey be former shooting stars manager wey bin carry Naija go d Korea/Japan World cup for 2002.

Super Eagles get technical team wey dey ensure sey dem do well for all competitions and dem don see how Naija use play for d two halves against Argentina.

Him yan say;

I trust sey dem know which corrections to take. As I bin don talk before Naija fit win d world cup, and another part dat dream na to dey give dem quality matches to play to take prepare them for d task wey dey ahead.

Him still talk sey make dem no allow dia defeat against Argentina enter dia head sey make dem still dey try work together sey no team fit dey 100 percent but dem need to still dey keep up with d hard work.

Imm con finally talk sey all games no be d same…dis same Argentina fit meet us for world cup flog us wella.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

CELTIC GO FACE ZENIT AS ARSENAL DON DRAW D SWEDES

Arsenal go face Swedish minnows Ostersund while Celtic don draw Russia Zenit St Petersburg for …

Leave a Reply

Your email address will not be published.