Ebonyi State and cross River state boundary wahala wey don start again, 5-women head don roll, and three still dey miss.
By Faithful Chiluru,newsinpidgin.ng (Ebonyi State).
Di tori be say, five women head wey be Itim-Amagu people for Ikwo Council Area, Ebonyi State don roll on Thursday as people wey be Adadama Community for Cross River state attack dem today wey be Thursday for di boundary wahala wey don start again.
As e dey people for di area don find di five women wey dis Cross River people kill and cut dia heads, and three people for di community still dey miss.
As We confirm di matta, person wey be chairman for di Area, wey be Ikwo Local Government, Mr, John Nnado, talk say, him Vice,tell am dis morning wey be Thursday say, Cross River people don dey kill, dey cut him people anyhow like goat for suya, and say di people wey dem kill na women wey go harvest cassava for dia farm and plenty things, even wen e don tey dem exchange gunfire with di cross river people, and now, di Adadama people don surround all of di people.
Based on wetin sunnewsonline talk, Nnado talk say, dis cross river people dey always cross to Ebonyi State to humiliate dia people anyhow.
Di chairman come talk am like dis say,
“Dis morning, my vice chairman come call me say, Cross River people don kill five women wey go harvest cassava for farm as dem think say, as dem never hear gunfire again for long time, say di war don end but no know say na di time e dey start. We don get dia body. ”
“As dem dey farm, di Adadama people come surround dem, carry knife cut dia head. Na so dem dey intimidate our people”
As e be now, di person wey be di stakeholder for Ikwo and National Coordinator for Buhari/Osibanjo Initiative for Demonstrating Change, Chinedu Ogah, don tell Federal Government say, made dem come solve di boundary matta through National Boundary Commission wey go make plenty lives no die for di matta.