Home / Gist / EFCC Don Arrest Ex-Enugu Governor, Chimaroke Nnamani

EFCC Don Arrest Ex-Enugu Governor, Chimaroke Nnamani

Di Federal High Court wey dey Lagos don fix December 4, 2017 wey be di day dem go arrest person we bin be governor for Enugu State, Chimaroke Nnamani, based on say him put hand for N5.3bn wuruwuru.

Di case wey dem bin fix for Thursday before Justice Chuka Obiozor,no work again based on say di prosecutor , Kelvin Uzozie, and Chimaroke Nnamani wey dem talk say him no dey Nigeria.

Wen dem call dia case on Thursday, one lawyer from Mr. Rickey Tarfa (SAN) chamber, M. Bamidele, talk say, Mr Chimaroke no dey Nigeria, say him travel.

Bamidele talk say dem no get di information on time say na six days ago dem get di info and no fit call Nnamani, as him no dey Nigeria .

For him own side, Economic and Financial Crimes Commission prosecutor , Uzozie, write to di court say make dem shift di matta .

Justice Obiozor, come carry di matter again fix for December 4 as di day wey dem go arrest Nnamani and di person wey go follow am defend di matta for court.

Di judge reject di beg wey di lawyer wey dey defend nnamani beg am say make him give am longtime wey go make am contact di Chimaroke Nnamani.

Justice Obiozor talk say as dem don carry di case wey don reach 10years give am, say him nogo wait for any time again for di matta.

Justice Obiozor be fourth person wey dey handle di case since 2007.

Justices Tijani Abubakar, Charles Archibong (retd.), and Mohammed Yunusa, wey National Judicial Council bin arrest on top corruption matter bin don handle di matter .

Di trial for di case don dey since July 5, 2015, wen defendants start dey beg and carry dia property give Justice Yunusa.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

EU Hand Dey For Libya Slavery

Amnesty International people talk say European governments hand no pure on top wetin dey happen …

Leave a Reply

Your email address will not be published.