Home / News / #EndSARS: NAIJA PEOPLE DON HALLA MAKE DEM SCRAP SARS

#EndSARS: NAIJA PEOPLE DON HALLA MAKE DEM SCRAP SARS

Naija people ontop social media don call on Police authorities say make dem scrap d Special Anti-Robbery Squad, wey dem dey like call SARS.

D call follow several incidents of brutality, abuse and harassment wey dey don report against d men of d police department.

D Nigerian Police Force Public Complaint Rapid Response Unit, PCRRU, yesterday announce d opening of channels wey d public fit report complaints about SARS.

D move wey d PCRRU kon make fit dey connected to d public outcry wey don track d activities of many SARS officials in recent times.

For late October 2017, one 2015 graduate of Kwara State Polytechnic, Ekwere Imoh, bin don enter d policemen attached to SARS, Oyo State Police Command net and na so dem shoot am. D policemen kon still shoot him female friend wey dem identify as Doris, wey bin dey with am. E bin no get any concrete reasons wey make dem shoot d two guys as dem no be criminals or even dey under arrest.

Early dat same month, one lady, Kachi Anifela Zion, bin accuse officers of SARS for Ilorin of sexual molestation. She say one male SARS official bin dey pretend say him dey search am, na so dip him hand enter inside her underwear.

She still kon open up say d SARS official threatened her say if him hear pim from am, say hin go beat am scatter. Na so d officer continue to dey fondle, rough handle and humiliate her for several minutes. Dem bin don sha arrest d SARS official wey do dis one.

Video still comot online for November, where one gun-wielding SARS operative threaten to shoot two people for Akute area of Ogun State.

Even d former Vice-President Atiku Abubakar don follow join d campaign.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

BREAKING: FG DON FINALLY HAND OVER STATE HOUSE, MARINA TO LAGOS

Ogbonge Federal Government on Tuesday don complete d process of handing over d State House, …

Leave a Reply

Your email address will not be published.