Enugu Police don arrest 3-man Automated Teller Machine syndicate wey dey scam people dey collect dia money.

Di police superintendent for Enugu police command, SP Ebere Amaraizu yan am give tori people today.

SP Amaraizu yan say, dis three people, Chinwuba Ogbodo (Keke driver, from Ebonyi), Okechukwu Nwoke(Bus driver, Imo state)  Sopuruchi Emmanuel(Abia), dey collect people money with dia ATM Card.

SP Amaraizu yan say na dia Anti Cultism squad catch dis people on code.

Him yan say, dis people go claim say dem Wan help person for bank, dem go Change your card with di one wey no dey work.

Him yan also say, dem go collect your ATM card pin, go clone am for another one ,carry am withdraw your money finish.

Ogbodo wey be Keke man yan say, dem dey hire am go bank for di work, after dem pay am.

Him add for him talk say, na lack of knowledge make am land for di wahala.


Please enter your comment!
Please enter your name here