Etisalat Nigeria Don Change him Name to 9Mobile, na so we hear am o
The people wey been put plenty money inside Etisalat wey from United Arab Emirates, don comot from Etisalat wey be d number 4 company wey dey operate Network for dis country unto say dem no fit pay the big money wey reach N541 billion wey dem dey owe.
For July 4, 2017 new people wey go run Etisalat Nigeria dem been don appoint them , say make dem handle how dem to take move from one company to another after dem don arrange everything investment wey people been put inside.
Hatem Dowider Wey be Oga Kpata Kpata for Etisalat International , talk say the company get 45% stake for the Etisalat wey dey Nigeria here, say dem dey give Etisalat Nigeria small time so dat dem go comot dia name from the Nigeria company.
Emerging Markets Telecommunication Services Ltd (EMTS) wey dey use the name Etisalat Nigeria dey do business been don talk say dem still dey talk with EMTS based on the change of name matter and say EMTS dey talk wetin be dia position once dem finish dia talk.
Boye Olusanya, Before before Number 2 Oga wey be Director for Celtel (wey don turn Airtel Nigeria now) naim dem appoint to dey in charge as d Oga Kpatakpata for Etisalat wey go oversee every movement as dem wan handover.
Thecable understand say Olusanya appointment to oversee the transition base on say him get experience from the time wey Celtel been move to Airtel.
The transition for the telecom wey get 21 million Nigerias wey dey use ddia network, dem broker dis deal with help from Central bank of Nigeria join hand with The people wey dey monitor all network provider for the country wey dem call National Communications Commisions (NCC).
NCC don warn say the licence wey dem been award give Etisalat Nigeria dem no fit tranfer am oh, as e don stop banks wey been wan take over the ownership of the company as dem been don borrow dem money wey dem no fit pay.