One picture wey appear for social media wan make fans of action film to get high blood pressure.

One fan bin take picture with Chinese actor Jet Li for one temple wey dey Tibet and talk say, Jet Li get health wahala.  Di picture cause wahala well well, as e be like say di 55 year old actor don weak finish.

Di issue don enter social media as people come dey worry on top him health as for 2013, him yan say him get Hyperthyroidism.

But him manager Steven Chasman don comot yan say di picture na just bad picture of am, for him old age.

Him talk say di Asian actor no get any kind health problem and na just tori people just wan hype am create wahala.

For January, Jet Li join China Alibaba oga, Jack Ma for di Jack Ma Foundation Rural Teachers Award for China and tori be say e get part as Emperor for di live action film of Mulan.

LEAVE A REPLY

Please enter your comment!
Please enter your name here