Home / Entertainment / Facebook Wan Train 50,000 Young People For Nigeria

Facebook Wan Train 50,000 Young People For Nigeria

Facebook don dey open community centre and training program for Nigeria. Dem go train 50,000 young people for di country with digital skills.

Dem go also support small-small technology companies wey just dey start.

Dem go open dis centre for 2018 as dem wan use am help plenty people for Nigeria and Africa.

Di centre wey dem go open for 2018, go be Facebook first technology space for Africa. Dis move just be like di one wey search engine giant Google do for July where dem launch program to train 10 million young people for five years.

Plenty technology companies for America don begin come chook serious eye for Africa based on say, African youths dey very big so dat dem go fit grow dia business.

Facebook talk say for Nigeria alone, dem get 22 million users, as 10 million people for dem dey use Facebook with dia phone everyday.

Facebook don dey put plenty money for Africa sotey dem come appoint regional director for South Africa.

Na for August, Mark Zuckerberg wey get di Facebook visit Nigeria and Kenya for di first time.

Wen Zuckerberg come Nigeria, him carry 24 million dollars give Andela wey be tech startup for di country.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

CHRISTMAS: UGWUANYI DON OFFER FREE TRANSPORT FOR ENUGU PEOPLE

As na Christmas season we dey so and everywhere don dey bubble, Governor Ifeanyi Ugwuanyi …

Leave a Reply

Your email address will not be published.