FG pay Boko Haram big money for Dapchi girls-UN

United Nations don yan say, Federal Government foe Nigeria Pay big money to Boko Haram before release Dapchi School girls in 2018.

But as e dey, Nigerian government dey deny di tori say Boko Haram release di girls based on exchange of Boko Haram prisoners Dem do.

But, UN yan say, money from charity groups and cash business be wetin dey fuel Boko Haram and other terrorists for Lake Chad basin .

Dis tori dey inside di 22nd Report of di Analytical Support and Sanctions Monitoring Team, pursuant to resolution 2368 (2017) wey concern Islamic State in Iraq and di Levant and people wey dey associate with dem.

Di report, wey dem submit to Security Council Committee say, “Boko Haram and di Islamic State West Africa Province get disame impact for dia area and Lake Chad basin.

“Na cash economy, wey no get controls, dey make terrorist groups dey get money through extortion, charitable donations, smuggling, remittances and kidnapping.”

Dem add say,  “For Nigeria, Boko Haram bin kidnap 111 schoolgirls from Dapchi on 18 February, 2018 and dem release dem through ISWAP on 21 March,as dem give dem plenty money.

Na Edmund Fitton-Brown, Coordinator, Analytical Support and Sanctions Monitoring Team and Kairat Umarov, Chair, Security Council Committee sign di report.


Please enter your comment!
Please enter your name here