Home / Entertainment / FG WAN TURN FELA HOUSE TO MUSEUM

FG WAN TURN FELA HOUSE TO MUSEUM

Ogbonge Government don comot kon yan say dem get plans to turn d ancestral home of afrobeat legend and activist Fela Anikulapo-Kuti to museum.

D Minister of Information and Culture, Lai Mohammed, yan dis one wen hin visit d  musician ancestral home for Ogun State, and hin waka with Governor Ibikunle Amosun.

Mohammed talk say dem go immortalise Fela by turning d house wey dey NEPA Road, Isabo, Abeokuta, to museum.

Hin kon yan say dem go open museum “very soon, maybe next year,”

Hin say one of d important tins wey we get na our cultural heritage, our history and dis  project, na to immortalise d Ransome-Kuti family.

As una know, Fela family, dey represent plenty plenty things to different people, whether na education matter,music or even entertainment. 

So dis one wey FG wan do now ehn, na to epp dem preserve, den restore dia ancestral home.

Na dis period we dey celebrate d 20th anniversary of hin death and I dey sure say with time, dem go inaugurate d museum, e fit be next year.

Why government dey carry dis matter for head, whether state or federal, na unto d creative industry wey dem wan turn into creative economy and dem know say d centre go be better way to encourage and inspire our youths dem.

Amosun describe Fela as person wey bin dey  ahead of him time.

Him talk say, 

D Kuti family don conquer d world, not just Ogun State or Nigeria.

All our stars dem get special place for our administration. Na dese people dey define us, when we comot go outside and talk say we from Ogun State. We no fit call ourselves wetin we say we be if we no mention all dose giants wey bin dey before us. Na dem lay d foundation wey we kon dry build untop.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

​INEC DON REGISTER 21 NEW PARTIES

D electoral commission, INEC, don register 21 new parties. Na May Agbmuche-Mbu yan dis one …

Leave a Reply

Your email address will not be published.