Home / Events / Fire Don Burn 50 Shops For Cross River State

Fire Don Burn 50 Shops For Cross River State

Cross River State Emergency Management Agency don confirm 50 Shops wey fire burn on Monday for Yoruba side wey dey Watt Market for calabar.

Mr John Inaku, wey be SEMA Director General, wey talk dis for after him visit di area, say dem never know wetin cause di fire.

Him talk am say,

“Till now, we never know wetin cause di fire. But na 50 Shops For di market burn well well .

“Na State Government send me say make I come know wetin cause di fire so dat I go report to dem, wey go help dem know di money dem go give di people wey di fire affect dia shops.

“If you look at di shops well well, dem dey together and na dis thing make di fire burn up to 50 Shops.

“Wetin I wan tell di business people be say, make dem dey switch off dia electricity after market time, as e go help solve di fire matter.

Di News Agency For Nigeria talk say, na electrical, provision, jewellery and book shops for di market wey fire burn well well, but di fire no burn anybody.


Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

BREAKING: “We Dey Wait For Di Main Time”- IPOB Protests

Di Indigenous People Of Biafra wey be di people wey wan break out from Nigeria …

Leave a Reply

Your email address will not be published.