Fire don catch d mobile studio of Communications Trends Limited for Umuahia wey be d capital of Abia state yesterday wey be Wednesday.

Although dem never know wetin cause d fire as at when dis tori come out, na unto d hand wey Abia state fire service people dem put wey make dem quench d fire.

According to people wey see am, d staff of CTL wey dey in charge of d studio wey dey for caravan no bin dey around when d fire start. 

D person talk sey dem bin jes dey dia office and sey before dem know wetin dey happen, na imm dia generator start to dey get small touch and sey by d time dem bin comot to go check am na imm dem see smoke for everywhere. Him talk sey dem bin try stop d fire with dia extinguisher buh when d tin no gree stop na imm dem kon call d fire service men.

When news people reach d scene dem bin follow see d state fire service men as dem bin dey try to contain am make e for no spread go other buildings.



Please enter your comment!
Please enter your name here