Bilyamin Muhammed Bello, wey be former PDP chairman, Haliru Bello pikin, bin die yesterday night and according to reports, na imm wife, Maryam Sanda, use knife chook am kill am and she na d daughter of former Aso Savings boss, Hajia Maimuna Aliyu

From wetin dem gather, she attack her husband based on say him dey cheat on am. She find one text message for him phone. She bin stab am 3 times for him back; and several times for him private parts, for dia house wey dey Maitama, Abuja.

Before dis, Maimuna bin don bite part of him ear comot and dem treat am for hospital before him go back house. Dem advise am make him leave d house but him no gree.

After she don stab am, she kon drive am go hospital where him kon die. D couple bin get one daughter together.

Dem don bury am already.

Na October 2015 dem marry. Dia wedding bin dey and na popular photographer Maigasky cover am. 

Federal Capital Territory Police Command spokesman, Anjuguri Manzah, confam d incident, yan say d woman dey dia custody.

Him still yan say dey don comot d case from Maitama Divisional Police Station and say dey don start investigation untop d gbege.

#confamtori

LEAVE A REPLY

Please enter your comment!
Please enter your name here