Home / Entertainment / G-WORLDWIDE ENTERTAINMENT DON CARRY KISS DANIEL GO COURT

G-WORLDWIDE ENTERTAINMENT DON CARRY KISS DANIEL GO COURT

Anidugbe Oluwatobi Daniel aka Kiss Daniel don land court as d management of G-Worldwide Entertainment charge am go with case of say d  singer breach d seven years contract wey him sign with d company for 2013 wey never expire.

For d notice wey dem receive, d management yan say Kiss Daniel still dey deal with organizations and individuals with him stage name wey be say na G-Worldwide Entertainment still get am and also him dey agree to perform singles from him album ‘New Era’ and him yet to be released albums ‘Evolution’ wey contain songs like Yeba, For You, Senorita, and Sofa, songs wey follow be part of d properties of G-Worldwide as dat na part of d deal wey both parties agree to for 2013.

So as e dey be, G-worldwide dey fight Kiss Daniel legally dey state am say d singer don breach d deal by not just starting him own label, FlyBoi Entertainment but also as him go get new management when him still get ongoing contract with dem. Dem still yan say any agreement wey dey wan happen between Kiss Daniel and any individual or organization must seek d permission of G-Worldwide Entertainment until dey don resolve d case wey Federal High Court shift go 9th of January 2018.

D report yan say; 

“Any person or organization wey negotiate, or enter into any agreement with Mr. Anidugbe to engage am on d basis of him presumed rights over d songs in both albums, or d use of d stage name ‘Kiss Daniel’, dey do am at him or her own risk and peril!!”




#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Fayose Don Hire 200 Tailors Wey Dey Sew Xmas Cloth For 1-10 Year Pikins(Video Inside)

Di guy wey be Ekiti State governor, Ayodele FAYOSE don hire Tailors wey pass 200, …

Leave a Reply

Your email address will not be published.